Frilanser.uz

Muvaffaqiyatli frilanserga aylaning!

Sayt haqida

Assalomu Alaykum bo’lajak muvaffaqiyatli frilanserlar. Mening ismim G’ofur. Men Upworkda Veb-dasturchi bo’lib ishlaganman.

Men ham oddiy qishloqda yashaganim uchun va qishloqda yaxshi ishlar deyarli yo’q bo’lganligi uchun frilanser bo’lishga 19 yoshimdan juda qiziqa boshlaganman va o’shanda Upwork.com saytidan frilanser sifatida ro’yxatdan o’tganman. Afsuski, o’sha payt dasturlash haqida deyarli hech narsa bilmasdim va Upwork va boshqa frilans saytlarda ishlash bo’yicha hech qanday tajribam yo’q edi. Yaxshi dasturchi va yaxshi frilanser bo’lishga naqd 3 yil sarfladim. 2 yil mobaynida Upwork.com saytida juda ko’p xatolar qildim, xatto profilim 2 marta Upwork.com tomonidan uning siyosatiga zid harakat qilganim uchun to’xtatilib qo’yilgan. Shu 2 yil mobaynida Upwork.com da birorta ish ololmaganman. Upwork.com saytida shunchalik ko’p va uzoq muvaffaqiyatsizlikka uchraganmanki, xatto faqat juda irodali odamlargina buncha muvaffaqiyatsizliklardan keyin yana harakat qilishga kuch topa olishadi. Nihoyat, 3 – yildan boshlab qilgan xatolarimdan olgan tajribam va xulosalarim ish bera boshladi. Men kichik-kichik ish ola boshladim. Menga ish uchun takliflar (job offer) kela boshladi. Keyinchalik uzoq muddatli mijozlar ololdim. Lekin o’sha muvaffaqiyatsiz o’tgan ikki yil davomida yengilganimda Upworkda.com da ishlash niyatimga yeta olmagan bo’lar edim. Ammo o’sha ikki yil davomida to’xtash o’rniga xatolarimni o’rganar va muvaffaqiyatli frilanser bo’lish haqida har bir blog, youtube videolarni o’rganib chiqar edim (2016 – yillar internetda o’zbek tilida frilanserlik haqida hech qanday ma’lumot topa olmaganman), kamchiliklarimni to’ldirishga harakat qilar edim, xatto muvaffaqiyatli frilanser bo’lish haqida kurslar sotib oldim. Va bular o’z natijasini berdi. Mana endi ushbu sayt orqali men sizlarga yordam bermoqchiman. Siz ham muvaffaqiyatli frilanser bo’lish uchun men bosib o’tgan yo’lni bosib o’tishingiz shart emas. Shunchaki kurslarimda va maqolalarimda keltirib o’tgan xatolarga yo’l qo’ymasangiz bo’ldi xalos. Umid qilamanki, sizlarga taqdim etib boradigan foydali maqolalarim va kurslarim sizlarning qisqa muddat ichida muvaffaqiyatli frilanser bo’lishingizga yordam beradi.

Yuqoriga